Да ведама выбаршчыкаў!

У адпаведнасці з артыкулам 53 Выбарчага кодэкса Рэспублікі Беларусь, выбаршчыкі, якія ў дзень выбараў не маюць магчымасці знаходзіцца па месцы свайго жыхарства, маюць права прагаласаваць датэрмінова на ўчастку для галасавання з 4 па 8 жніўня 2020 г. уключна.

Датэрміновае галасаванне ажыццяўляецца з 10.00 да 14.00 гадзін і з 16.00 да 19.00 гадзін.

Афіцыйнага пацверджання прычын немагчымасці выбаршчыка прыйсці ў памяшканне для галасавання ў дзень выбараў не патрабуецца.

Датэрміновае галасаванне не праводзіцца на ўчастках для галасавання, якія ўтвораны ў санаторыях, прафілакторыях, дамах адпачынку, бальніцах і іншых арганізацыях аховы здароўя, якія аказваюць медыцынскую дапамогу ў стацыянарных умовах. 

У дзень выбараў 9 жніўня 2020 г. участковыя камісіі працуюць - з 8.00 да 20.00 гадзін.

Дакументы, пры прад’яўленні якіх выдаецца бюлетэнь для галасавання

Бюлетэнь выдаецца выбаршчыку, які ўключаны ў спіс, пры прад’яўленні:

пашпарта грамадзяніна Рэспублікі Беларусь;

 ваеннага білета;

службовага пасведчання работніка дзяржаўнага органа (арганізацыі) (пры наяўнасці ў ім фатаграфіі);

пасведчання вадзіцеля;

пенсійнага пасведчання, пасведчання інваліда (пры наяўнасці ў ім фатаграфіі);

студэнцкага білета;

даведкі з МУС, калі пашпарт згублены або знаходзіцца на замене. 

Галасаванне па месцы знаходжання выбаршчыка (дома) 

Калі па ўважлівай прычыне (стан здароўя, пажылы ўзрост, інваліднасць і інш.) вы не можаце прыйсці на ўчастак для галасавання, на дом прыедзе ўчастковая камісія.

Афіцыйнага пацверджання прычын немагчымасці прыйсці ў памяшканне для галасавання не патрабуецца.

Аб жаданні прагаласаваць дома, трэба паведаміць на выбарчы ўчастак у любы час, а ў дзень выбараў - да 18:00 газін. 

З мэтай прадухілення распаўсюджвання рэспіраторных інфекцый, у тым ліку COVID-19, пры наведванні ўчастка для галасавання РЭКАМЕНДУЕМ:

- знаходзіцца ў сродках індывідуальнай абароны (маска, пальчаткі);

- выконваць сацыяльную дыстанцыю (не менш 1-1, 5 м);

- прад’яўляць дакумент, які пацвярджае асобу, у разгорнутым выглядзе, дэманструючы неабходныя старонкі самастойна, без перадачы ў рукі члену ўчастковай камісіі;

 - выкарыстоўваць уласныя аўтаручкі для пастаноўкі подпісу аб атрыманні бюлетэня ў спісе грамадзян, якія маюць права ўдзельнічаць у выбарах, а таксама для запаўнення бюлетэня.