Афіцыйны сайт
Адрас:
231778, г.п. Вялікая Бераставіца,
пл. Ратушная, 1
Электронная пошта:
berestrec@mail.grodno.by
Тэлефон: 8-(01511) 2-17-47
Факс: 8-(01511) 2-17-47
17 верасня 2020

Фотавыстава “Мілы сэрцу родны край” праходзіць у музеі Вавёркі ў Вялікай Бераставіцы

Фотавыстава “Мілы сэрцу родны край” праходзіць у музеі Вавёркі. Яе аўтар – жыхарка Вялікай Бераставіцы Яніна Альховік.

Нашы чытачы ведаюць Яніну Антонаўну па цікавых успамінах аб камсамольскіх будоўлях усесаюзнага значэння, на якіх жанчына пабывала ў гады маладосці, у прыватнасці на будаўніцтве Байкала-Амурскай магістралі. А яшчэ як сумленнага працаўніка Бераставіцкай ПМК-141.

 

Цяпер Яніна Альховік на заслужаным адпачынку, аднак у сілу свайго моцнага дапытлівага характару, ніколькі не сумуе і не сядзіць без справы. Жанчына вядзе актыўны лад жыцця, пастаянна цікавіцца чымсьці новым. Напрыклад, адкрыла для сябе фатаграфаванне, праз якое імкнецца выразіць сваю любоў да родных мясцін і прастораў, да прыгажосці навакольнай прыроды і нашага ўтульнага мястэчка Вялікай Бераставіцы, з дапамогай фотакамеры перадае сваё ўласнае бачанне свету.

Прырода – лепшы мастак, лічыць Яніна Антонаўна.  І на сваіх фотаздымках адлюстраваць непаўторныя фарбы неба падчас заходаў і світанкаў, багатую палітру адценняў прыроды ў розныя поры года, адметныя куточкі райцэнтра, іншыя прыгожыя прыродныя і гарадскія пейзажы.


Сваім позіркам праз фотааб’ектыў Яніна Альховік дзеліцца ў сацыяльных сетках, напрыклад у Аднакласніках, дзе мае станоўчыя водгукі знаёмых і сяброў. Супрацоўнікі музея Вавёркі, даведаўшыся пра гэта, прадаставілі аўтару пляцоўку для экспазіцыі. Фотавыстава перадае цёплыя пачуцці, якія адчувае Яніна Альховік да бераставіцкага краю, стаўшага жанчыне другой радзімай.

Святлана Ганчарова