Дзяржаўная ўстанова адукацыі "Бераставіцкая дзіцячая школа мастацтваў"

Час працы:

панядзелак – пятніца:  08.00 – 13.00, 14.00 – 17.00

субота, нядзеля:  выхадны

Бераставіцкая дзіцячая музычная школа з сямігадовым тэрмінам навучання была адкрыта 01 верасня  1967 года. 

З 01.08.2007 года Бераставіцкая дзіцячая музычная школа рэарганізавана ў Бераставіцкі дзіцячую школу мастацтваў з адкрыццём мастацкага аддзялення (рашэнне Бераставіцкага раённага выканаўчага камітэта ад 19.07.2007 года №310).

З 01.01.2012 года на базе Бераставіцкай дзіцячай школы мастацтваў створана Дзяржаўная ўстанова адукацыі «Бераставіцкая дзіцячая школа мастацтваў» з філіяламі на базе Эйсмантаўскай дзіцячай школы мастацтваў і Пагранічнай дзіцячай школы мастацтваў (рашэнне Бераставіцкага раённага выканаўчага камітэта ад 25.11.2011 г. №578).

Дзейнасць дзяржаўнай установы адукацыі «Бераставіцкая дзіцячая школа мастацтваў» накіравана на развіццё дзяцей і падлеткаў, фарміраванне і развіццё іх творчых здольнасцей, задавальненне індывідуальных патрэбаў у інтэлектуальным, маральным удасканаленні, арганізацыю вольнага часу і прафесійную арыентацыю падрастаючага пакалення.

Арганізацыя вучэбна-выхаваўчага працэсу ў школе ажыццяўляецца на аснове тыпавых вучэбных планаў, вучэбных праграм, зацверджаных Міністэрствам культуры Рэспублікі Беларусь.

У дзяржаўнай установе адукацыі «Бераставіцкая дзіцячая школа мастацтваў» праца вядзецца на музычным, мастацкім і харэаграфічным аддзяленнях. На музычным аддзяленні дзеці могуць навучацца на фартэпіяна, скрыпцы, баяне, акардэоне, домры, гітары, балалайцы, цымбалах і духавых інструментах, а таксама навучацца акадэмічным (у харавым класе) і эстрадным спевам. 

Кантынгент навучэнцаў на 01.09.2018 года складае 310 навучэнцаў. У Бераставіцкай школе мастацтваў дзейнічае падрыхтоўчая група на аснове самаакупнасці. Кантынгент групы на 2018/2019 навучальны год складае каля 50 чалавек. Навучэнцы падрыхтоўчай групы, якія заканчваюць навучанне, праходзяць выпрабаванне і паступаюць на навучанне ў дзіцячую школу мастацтваў.

Калектыў настаўнікаў дзяржаўнай установы адукацыі Бераставіцкая дзіцячая школа мастацтваў” складаецца з 38 кваліфікаваных спецыялістаў. Музычнай і мастацкай адукацыяй ахоплены не толькі навучэнцы г.п.В.Бераставіца, але і аграгарадкі Пагранічны, Эйсманты, Малая Бераставіца, Стары Дворац, Макараўцы, Алекшыцы.

На базе школы працуюць ўзорныя харавыя калектывы «Кампанэллі» (кір. Кулік Т.А.) і «Манжэрок» (кір. І.А.Серабракова), узорны эстрадна-інструментальны ансамбль «Tutti» (кір. В.Б.Антоненка), народны жаночы вакальны ансамбль настаўнікаў «Канцона», узорны інструментальны ансамбль «Вереск» настаўнікаў Пагранічнага філіяла ДУА «Бераставіцкая дзіцячая школа мастацтваў» (кір. Баран С.А.).

Настаўнікі і вучні школы актыўна удзельнічаюць у розных конкурсах и мерапрыемствах.

“БЕРАСТАВІЦКАЯ  ДЗІЦЯЧАЯ ШКОЛА МАСТАЦТВАЎ”

У філіяле створаны творчыя калектывы, дзе навучэнцы могуць праявіць свае здольнасці. Гэта вакальны гурт “Фа-Солька” (кіраўнік Сідаровіч Т.В.), ансамбль гітарыстаў (кіраўнік Худзякоў І.С.) і дзіцячы ансамбль народных інструментаў (кіраўнік Баран С.А.).

Настаўнікамі філіяла вядзецца вялікая канцэртна-асветніцкая дзейнасць сярод насельніцтва аграгарадка Пагранічны. Працягвае сваю працу народны інструментальны ансамбль настаўнікаў Пагранічнага філіяла «Вереск», які прымае актыўны ўдзел ва ўсіх мерапрыемствах, якія праводзяцца не толькі ў аграгарадку, але і на канцэртных пляцоўках раёна.

Шырокую грамадскую і матэрыяльную падтрымку філіялу аказвае камунальнае сельскагаспадарчае унітарнае прадпрыемства  «Пагранічны-Агра» (старшыня - Прымачэнка Н.І. і намеснік старшыні  па ідэалагічнай працы - Касьян С.Н.), дырэктар сярэдняй школы аграгарадка Пагранічны Кергет І.Л. і старшыня Пагранічнага сельскага выканаўчага Савета Козел І.І.

“БЕРАСТАВІЦКАЯ  ДЗІЦЯЧАЯ  ШКОЛА  МАСТАЦТВАЎ”

Час працы:

панядзелак – пятніца: 10.00 – 14.00.

субота, нядзеля:  выхадны

У Эйсмантаўскім філіяле дзеці аграгарадкоў Вялікія Эйсманты і Алекшыцы навучаюцца выяўленчаму мастацтву, ігры на фартэпіяна, баяне, акардэоне, авалодваюць асновамі харавога спеву. Для гэтага створаны належныя ўмовы: прасторныя, чыстыя класы, добрая апаратура, музычныя інструменты і абсталяванне, нотная бібліятэка.

На 1 верасня 2018 года ў філіяле займаюцца 62 вучня, з іх - 33 чалавека на музычным аддзяленні і 29 - на мастацкім; У 2018/2019 навучальным годзе ў першы клас філіяла залічана 6 першакласнікаў. 

Жыццё філіяла - гэта не толькі ўрокі, экзамены і акадэмічныя канцэрты. Вялікае значэнне надаецца сумеснай з ГП «Варанецкі»  і «Алекшыцы» дзейнасці па падрыхтоўцы мерапрыемстваў, якія праводзяцца для жыхароў аграгарадкоў. Гэта канцэрты, выставы, агеньчыкі з удзелам бацькоў, святочныя гулянні. Выступленні нашых вучняў і настаўнікаў заўсёды выклікаюць у аўдыторыі жывую цікавасць.

Выхаваўчая праца ў філіяле вядзецца ў цеснай сувязі з калектывамі сярэдніх школ аг. Алекшыцы и Эйсманты.