Асноўныя змены ў парадку выдачы і афармленні лісткоў непрацаздольнасці і даведак аб часовай непрацаздольнасці з 01.01.2025

Урадам унесены змяненні па пытаннях дзяржаўных дапамог сем'ям, якія выхоўваюць дзяцей

(пастанова ад 20.12.2024 № 983).

Асноўныя змены ў парадку выдачы і афармленні лісткоў непрацаздольнасці і даведак аб часовай непрацаздольнасці з 01.01.2025

- прадугледжана выдача бальнічнага не толькі ў выпадку хваробы маці, якая ажыццяўляе догляд дзіцяці да 3 гадоў, але і ў выпадку яе шпіталізацыі з іншым дзіцем.

- працуючым інвалідам бальнічны выдаецца не больш як на 60 каляндарных дзён запар і не больш як на 90 каляндарных дзён з перапынкамі ў каляндарным годзе (аналагічна перыяду, за які назначаецца дапамога), пасля заканчэння гэтых тэрмінаў выдаецца даведка аб часовай непрацаздольнасці.

- удакладнена якія асобы адносяцца да асоб, якія пастаянна пражываюць на тэрыторыі радыеактыўнага забруджвання (асобы не толькі зарэгістраваныя, але і фактычна пражываюць на гэтых тэрыторыях).

- прадугледжана выдача бальнічнага не толькі маці або бацьку, але і іншаму сваяку, члену сям'і дзіцяці-інваліда ва ўзросце да 18 гадоў на перыяд яго санаторна-курортнага лячэння, медыцынскай рэабілітацыі, медыцынскай абілітацыі.

- прадугледжана занясенне запісу ў радок «адмысловыя адзнакі» лістка непрацаздольнасці «іншае захворванне, траўма», калі пры выпісцы са стацыянара ў дзіцяці ўзнікае новае захворванне.

- уведзены від непрацаздольнасці «18» для выдачы даведак аб часовай непрацаздольнасці грамадзянам, якія накіроўваюцца на медыцынскі агляд па накіраванні ваенных камісарыятаў.

- дадзена права захоўваць звесткі аб разліку сярэднядзённага заработку і перыядзе выплаты ўзносаў, якія выдаюцца органамі ФСЗН, у электронным выглядзе.