Аб рабоце аддзела загса

Бясспрэчным з'яўляецца той факт, што органы загса суправаджаюць кожнага чалавека на працягу ўсяго жыцця. Нараджэнне, заключэнне шлюбу або яго скасаванне, перамена імені, усынаўленне або ўдачарэнне, устанаўленне бацькоўствы, смерць – усе гэтыя падзеі ў жыцці чалавека патрабуюць дзяржаўнай рэгістрацыі. Вось чаму па актах дзяржаўнай рэгістрацыі можна судзіць аб дабрабыце ўсёй краіны і асобных яе тэрыторый. 
Рэгістрацыю актаў грамадзянскага стану ў Бераставіцкім раёне ажыццяўляюць аддзел загса і сельвыканкамы раёна. Усяго ў 2025 годзе органамі загса раёна здзейснена 380 запісаў актаў грамадзянскага стану ўсіх відаў: аддзелам загса – 220 запісаў актаў,  сельвыканкамамі раёна - 160 запісаў актаў.
Сярод сельвыканкамаў раёна большых усіх запісаў актаў грамадзянскага стану складзена Пагранічным сельвыканкамам – 37 запісаў актаў.  Нараджэнняў больш усяго зарэгістравана Бераставіцкім сельвыканкамам, шлюбаў і смярцей – Пагранічным.
У 2025 годзе ў аддзел загса і сельвыканкамы раёна паступіла 1167 заяў грамадзян аб ажыццяўленні адміністрацыйных працэдур у частцы рэгістрацыі актаў грамадзянскага стану: у аддзел загса –  1007 заяў, у сельвыканкамы –  160 заяў.     
Аддзелам загса і сельвыканкамамі раёна ў 2025 годзе выдадзена 1543 дакументаў аб рэгістрацыі актаў грамадзянскага стану па выніках ажыццяўлення адміністрацыйных працэдур: аддзелам загса выдадзена 1227 дакументаў, сельвыканкамамі – 316 дакументаў. 
 Бадай што, самы высакародны і радасны абавязак органаў загса - гэта рэгістрацыя нараджэння новага грамадзяніна. Нараджэнне дзіцяці –  яркая, знамянальная і незабыўная падзея ў жыцці кожнай сям'і. Дзіця  - гэта і вялікая радасць, і шчасце, і вялікая адказнасць бацькаў за выхаванне маленькага чалавека.
У 2025 годзе ў раёне зарэгістравана нараджэнне 25 хлопчыкаў і 26 дзяўчынак. У 11 сем'ях у мінулым годзе радаваліся з'яўленню першынцаў, у 15 сем'ях нарадзілася другое дзіця, 14 сямей сталі мнагадзетнымі.  Пяць дзяцей нарадзіліся ў сем'ях чацвёртымі, чатыры пятымі, па аднаму шостым і  сёмым.
Доля зарэгістраваных нараджэнняў дзяцей у маці, якая не знаходзіцца ў шлюбе з бацькам дзіцяці, у 2025 годзе склала па раёне 10 рэгістрацый ад агульнай колькасці рэгістрацый нараджэння, з якіх у дачыненні 6 дзяцей устаноўлена бацькоўства. 
Сярэдні ўзрост маці па раёне склаў 29 гадоў, бацькі - 31 год. Мінімальны ўзрост маці па раёне - 18 гадоў, бацькі – 21 год. Максімальны ўзрост маці па раёне - 42 года, бацькі – 47 гадоў. 
Самае папулярнае мужчынскае імя 2025 года - Мацвей. Да папулярных імён адносяцца таксама імёны Андрэй, Уладзіслаў, Леў і Міхаіл. Акрамя пералічаных імён для хлапчукоў выбіралі і такія імёны як Аляксандр, Аляксей, Артур, Дзяніс, Дзмітрый, Захар, Ілья, Канстанцін, Максім, Цімур.
Самыя папулярныя жаночыя імёны 2025 года – Вікторыя і Сафія. Ганаровае другое месца сярод жаночых імён належыць імені Ева. Называлі дзяўчынак і такімі імёнамі як Аліса, Анастасія, Ганна, Васіліса, Дзіяна, Лізавета, Маргарыта, Надзея, Ульяна, Яна
У разрад рэдкіх імён можна аднесці такія імёны як Марк, Мірон, Роберт, Ян, Ангеліна, Есения, Малання, Нона, Оливия, Эмілія.
Сярод бацькаў 2 замежных грамадзяніна – Латвійскай Рэспублікі і Укранины. 
 Колькасць шлюбаў у параўнанні з папярэднім годам скарацілася і склала 59 рэгістрацыі: 56 зарэгістравана аддзелам загса, 3 – сельвыканкамамі раёна. З агульнай колькасці зарэгістраваных шлюбаў 33 зарэгістравана ва ўрачыстай абстаноўцы, з іх 15 зарэгістравана па-за памяшканнем аддзела загса. Аддзелам загса выязныя рэгістрацыі заключэння шлюбу праводзіліся ў двары «Левшово».  
Сярэдні ўзрост уступлення ў шлюб мужчын па раёне склаў 35 гадоў, жанчын – 33 года. Мінімальны ўзрост мужчын, якія ўступаюць у шлюб, - 20 гадоў, жанчын – 16 гадоў. Максімальны ўзрост мужчын, якія ўступаюць у шлюб, – 77 гадоў, жанчын – 72 года. 
У 2025 годзе ўпершыню ў шлюб уступіла 39 людзей. 
З агульнага ліку шлюбаў 2 зарэгістравана з удзелам замежных грамадзян. Шлюбы ў аддзеле загса рэгістравалі грамадзяне Расійскай Федэрацыі і Азербайджанскай Рэспублікі.
У 2025 годзе аддзелам загса скасавана 12 шлюбаў. 
Сярэдні ўзрост мужчын, якія касуюць шлюб у 2025 годзе, склаў 37 гадоў, жанчын – 34 года. Мінімальны ўзрост мужчын, якія касуюць шлюб, - 26 гадоў, жанчын – 19 гадоў. Максімальны ўзрост мужчын, якія касуюць шлюб, – 55 гадоў, жанчын – 53 года. 
У 2025 годзе 7 мужчын і 7 жанчын скасавалі першы шлюб, 5 мужчын і 3 жанчыны – другі шлюб, 1 жанчына – трэці шлюб і адна жанчына – 5 шлюб.
Мінімальная працягласць шлюбу, скасаванага ў 2025 годзе ў аддзеле загса, - 4 месяцаў 17 дзён. Максімальная працягласць скасаванага шлюбу – 32 года 8 месяцаў 5 дзён. 
 Акрамя грамадзян Рэспублікі Беларусь шлюб скасавала грамадзянка Украіны.
Колькасць рэгістрацый смярцей у параўнанні з мінулым годам павялічылася. Сярэдні ўзрост мужчын, смерць якіх зарэгістравана ў Бераставіцкім раёне, склаў 68 гадоў, жанчын – 80 гадоў.