Бераставічане далучыліся да акцыі «Жадаю роднай Беларусі» ў Дзень Незалежнасці

Кожны, хто прыйшоў на свята, змог прыняць удзел у акцыі «Жадаю роднай Беларусі», арганізаванай членамі Беларускага рэспубліканскага саюза моладзі і Беларускага саюза жанчын. На прапанаваных паштоўках з краявідамі роднай краіны бераставічане пакідалі свае пажаданні беларускаму народу і краіне, выказвалі словы падзякі і віншаванні з нагоды свята. На адной з паштовак мы падгледзелі, што невядомы госць свята пакінуў такі надпіс: “Рады, што жыву ў гэтай краіне”. Вольга Беляня, фота аўтара