Бераставіцкая раённая арганізацыя Беларускага прафсаюза работнікаў аграпрамысловага комплексу далучылася да рэспубліканскай дабрачыннай акцыі “Нашы дзеці”

24 снежня да рэспубліканскай дабрачыннай акцыі “Нашы дзеці” далучылася Бераставіцкая раённая арганізацыя Беларускага прафсаюза работнікаў аграпрамысловага комплексу. Яе старшыня Уладзімір Анішчык наведаў у гэты дзень мнагадзетныя сем’і працаўнікоў сельскай гаспадаркі – Яўгенія і Веры Мядзведзевых і Юрыя і Алены Сакалоўскіх, якія пражываюць  у Вялікай Бераставіцы. Уладзімір Сяргеевіч павіншаваў дарослых і дзяцей  з надыходзячымі каляднымі і навагоднімі святамі, пажадаў моцнага здароўя, поспехаў у вучобе і ўручыў дзецям салодкія падарункі ад раённай арганізацыі Беларускага прафсаюза работнікаў аграпрамысловага комплексу. Ірына МІКЛАШ, фота аўтара