Ваша будучыня - у Вашых руках

Заканадаўства аб дзяржаўным сацыяльным страхаванні арыентавана на добрасумленнае выкананне сваіх абавязацельстваў індывідуальнымі прадпрымальнікамі, адвакатамі і натарыусамі. Гэтыя катэгорыі плацельшчыкаў абавязаны выплачваць абавязковыя страхавыя ўзносы ў бюджэт фонду. Выплата ўзносаў - гэта не толькі абавязак, але і ўклад у будучыню: яны фарміруюць права на пенсіённае забеспячэнне, дапамогі па часовай непрацаздольнасці і іншыя сацыяльныя гарантыі. Тэрмін выплаты ўзносаў - не пазней за 1 сакавіка года, наступнага за справаздачным. Гэта скрайні тэрмін. Пры гэтым унёскі можна выплачваць штомесяц, штоквартальна і г.д. Памер узносаў - 35 працэнтаў ад самастойна вызначанага даходу, але не ніжэйшы, чым узносы, вылічаныя ад месячнай мінімальнай заработнай платы (МЗП). Фізічныя асобы павінны разумець, што заяўлены імі даход і будзе ўлічаны пры вылічэнні пенсіі, а перыяды выплаты ўзносаў уключаны ў стаж для яе назначэння. У страхавы стаж залічваюцца толькі тыя перыяды работы, за якія праводзілася выплата ўзносаў у бюджэт фонду. Выплачваючы ўзносы ў бюджэт фонду, абмяжоўваючыся мінімальным памерам, вы рызыкуеце атрымаць пенсію ў невялікім памеры. Даведачна. Перыяды работы, на працягу якіх выплата ўзносаў не праводзілася, у стаж не ўключаюцца. У такой сітуацыі ў грамадзяніна пенсіённыя правы не фарміруюцца. Калі ўзносы выплачваліся з памеру ніжэй за мінімальную заработную плату, устаноўленую заканадаўствам на адпаведны каляндарны перыяд, стаж будзе скарэкціраваны ў бок змяншэння ў адпаведнасці з часткай першай артыкула 51 Закона Рэспублікі Беларусь "Аб пенсійным забеспячэнні". Не абмяжоўвайцеся мінімумам - інвестуйце ў сваю сацыяльную абарону!  Дадатковую інфармацыю можна атрымаць у Бераставіцкім раённым аддзеле Гродзенскага абласнога ўпраўлення Фонду сацыяльнай абароны насельніцтва па адрасе: гп. Вялікая Бераставіца, вул Леніна, 4, каб.1 тэл72259, 72385.