Вахта памяці і кніжная выстава. У аграгарадку Малая Бераставіца адзначылі Дзень усенароднай памяці ахвяр Вялікай Айчыннай вайны і генацыду беларускага народа

22 чэрвеня ў філіяле «Малабераставіцкая інтэграваная сельская бібліятэка» адбылася прэзентацыя кніжнай выставы-памяць «Вайны свяшчэнныя старонкі навекі ў памяці людской». Пазнаёміцца з ёй прыйшлі выхаванцы прышкольнага лагера «Сонейка» і ваеннаслужачыя пагранічнай заставы «Сямёнаўка». З цікавасцю і трапятаннем у сэрцы слухалі маленькія чытачы аповяд бібліятэкара пра пачатак вайны, пра тых, каму прыйшлося стаць на абарону сваёй Радзімы, пра тое, як нараўне з дарослымі з фашыстамі змагаліся дзеці і здзяйснялі подзвігі . Шмат цікавага аб сваёй службе на граніцы вучням расказалі пагранічнікі. Потым усе разам далучыліся да ўсебеларускай вахты памяці, што прайшла ля помніка землякам у аграгарадку Малая Бераставіца. Запалілі лампадкі, усклалі кветкі, ушанавалі памяць загінуўшых землякоў мінутай маўчання. https://www.beresta.by/vahta-pamjaci-i-knizhnaja-vystava-u-agragaradku-malaja-berastavica-adznachyli-dzen-usenarodnaj-pamjaci-ahvjar-vjalikaj-ajchynnaj-vajny-i-genacydu-belaruskaga-naroda/