Намеснік Прэм’ер-міністра Рэспублікі Беларусь Анатоль Сівак наведаў Дзятлаўшчыну з рабочым візітам

У цэнтры ўвагі – будаўніцтва арэнднага жылля. На базе гарпасёлка Наваельня прайшла  нарада  з удзелам намесніка міністра жыллёва-камунальнай гаспадаркі Андрэя Рамашкі, намесніка міністра архітэктуры і будаўніцтва Аляксандра Шваюнова, намесніка старшыні Гродзенскага аблвыканкама Андрэя Жука, старшыні камітэта па архітэктуры і будаўніцтве Гродзенскага аблвыканкама Міхаіла Петуха, старшыні райвыканкама Андрэя Садоўскага. У ходзе сустрэчы была дадзена ацэнка выканання ў Гродзенскай вобласці, Дзятлаўскім раёне даведзеных на 2025 год заданняў па будаўніцтве жылля, у тым ліку арэнднага, і планаванні праграмы жыллёвага будаўніцтва на 2026 год для найбольш запатрабаваных спецыялістаў з улікам уключэння ў абарот пустуючага арэнднага жылля. Таксама абмяркоўвалася работа, якая праводзіцца арганізацыямі па будаўніцтве арэнднага жылля для сваіх работнікаў у рамках Указа Прэзідэнта Рэспублікі Беларусь ад 29.08.2024 г. № 344 “Аб субсідзіраванні юрыдычных асоб пры ўзвядзенні і набыцці жылых памяшканняў”. Аб комплексным развіцці гарпасёлка Наваельня і правядзенні работ у рамках Указа Прэзідэнта Рэспублікі Беларусь расказаў намеснік старшыні райвыканкама Дзмітрый Баравік. Удзельнікі нарады наведалі аб’ект рэканструкцыі дома пад арэнднае жыллё і пазнаёміліся з ходам будаўнічых работ. Рабочая нарада прадоўжылася ў Дзятлаўскім райвыканкаме, дзе былі падведзены вынікі сустрэчы.