Заработная плата

Намеснік начальніка ўпраўлення 

Марцішэвіч Наталля Мікалаеўна

тэл. 7-12-68

        Намінальная налічаная сярэднямесячная заработная плата работнікаў раёна па відах эканамічнай дзейнасці за студзень-жнівень 2026 года склала 2627,9рублёўі павялічылася ў параўнанні з адпаведным перыядам2025 года на 14,5 працэнтаў, у жніўні 2026 года– 2 844,9рублёў і павялічылася ў параўнанні са жніўнем 2025 годана 11,7 працэнта.

        Рэальная налічаная заработная плата (разлічаная з улікам росту спажывецкіх цэн на тавары і паслугі) павялічылася ў студзені- жніўні 2026 года на 8,9 працэнта, у жніўні 2026 года павялічылася на 6,9 працэнта да адпаведнага перыяда 2025 года.

Найбольш высокааплатнымі ў раёне ў студзені-жніўні 2026 годаз'яўляліся работнікі:

сельскай, лясной і рыбнай гаспадаркі –2 876,5рублёў;

перапрацоўчай прамысловасці – 2 889,6 рублеў;

інфармацыі і сувязі  -  3 144,7 рублёў;

дзяржаўнага кіравання – 3 690,3 рублёў;

фінансавай і страхавой дзейнасці – 2 773,7 рублёў.

У вобласці аплаты працы дзяржаўнымі гарантыямі, умовы і парадак выплаты якіх рэгулююцца працоўным заканадаўствам, з'яўляюцца:
1. Велічыня мінімальнай заработнай платы, якую наймальнік абавязаны прымяняць у якасці ніжэйшай мяжы аплаты працы работнікаў за работу ў нармальных умовах на працягу нармальнай працягласці рабочага часу; 
2. Памер базавай стаўкі для аплаты работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый ;
3. Тарыфы аплаты працы работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый.
4. Памеры даплат, надбавак і іншых умоў аплаты:
4.1. Аплата працы, якая прымяняецца ў асобых умовах, у тым ліку  на цяжкіх работах і на работах са шкоднымі і (або) небяспечнымі ўмовамі працы;
4.2. Кампенсацыя за работу ў звышурочны час, у дзяржаўныя святы, святочныя і выхадныя дні;
4.3. Аплата працы пры невыкананні норм вырабу, браку і прастоі;
4.4. Даплаты за работу ў начны час, а таксама за работу ў начную змену пры мнагазменным рэжыме;
5. Індэксацыя заработнай платы.

САЦЫЯЛЬНЫЯ НАРМАТЫВЫ

 Памер базавай стаўкі для аплаты работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацыйз 01.09.2026 г. – 300,0 руб.

Мінімальная заработная плата з 01.01.2026 г. – 858,0 руб.

Базавая велічыня з 01.01.2026 г. – 45,0 руб.

Бюджэт пражытачнага мінімуму у цэнах чэрвеня 2026 г.

на перыяд з 1 жніўня2026 па 31кастрычніка 2026:

     - у сярэднім на душу насельніцтва – 530,37 руб.

     - працаздольнае насельніцтва – 574,38 руб.

     - пенсіянеры – 380,86 руб.